بسم الله الرحمن الرحيم

السلام عليكم ورحمة الله وبركاته

اسعد الله جميع اوقاتكم اخواني واخواتي
سأروي لكم قصه حصلت مع الامير ( عبيد بن رشيد ) بضم العين وتفخيم الباء
واسمحو لي ان اكتب لكم الكلام عندما يرد على لسان ابطال القصه ان اكتبه لكم باللهجه العاميه
القصه تقول
عندما غزا ( عبيد بن رشيد ) الجوف وفتحها
وبعد ان استتب له الامر فيها اقام في قصر الاماره
وبعد عدة ايام من دخوله الجوف وبينما هو جالس في قصر الاماره بعد صلاة العصر من ذلك اليوم اتت الى قصر الاماره عجوز وسألت عن الامير
وقال لها رجال ابن رشيد ماذا تريدين
قالت اريد الامير شخصيا
فأخبروا الامير
فقال دعوها تدخل
وعندما دخلت العجوز قال لها ابن رشيد ماذا تريدين
قالت العجوز ياطويل العمر انا مره ضعيفه ومالي ناصر بعد الله ولي حق عند عايله كبيره من اهل الجوف يقالهم ( السبيله ) واكلو حقي وأيست منه لكن يوم قالوا ( ابن رشيد ) دخل الجوف استبشرت خير وقلت جاء اللي يبي يطلع حقي, وانا داخله على الله ثم عليك انك تطلع حقي من ( السبيله )
قال ابن رشيد ابشري بحقتس
وقال يافلان (واحد من خويا الامير ) رح مع المره ( للسبيله) وقل لهم يقول الامير يعطون المره حقها
فذهب خوي الامير مع العجوز (للسبيله) وعندما وصلو بيت السبيله وكان قصرا كبيرا ( والسبيله عائله كبيره من اهل الجوف )
والسبيله يعرفون العجوز جيدا لكن لا يعرفون الرجل الذي كان معها
قال لهم خوي الامير انا خوي ابن رشيد وابي كبيركم
قالو ياهلا والله بخوي الامير يالله حيه يالله حيه اقلط
فدخل خوي الامير
وقالو للعجوز انتي خليك واقفه هنا لا تدخلين
فوقفت العجوز بالخارج تنتظرهم
خوي الامير دخل وتقهوى عند كبير عايلة السبيله
وقال كبيرهم لخوي الامير ابشر انت والامير باللي تبون
قال خوي الامير, الامير يقول لكم عطو المره حقها
قال كبير السبيله سلم على الامير ابن رشيد وقله اللي يبيه تام باذن الله
لكن هذي العجوز مالها حق عندنا
وهذي عجوز مسكينه مخرفه ومهذريه وكل اهل الديره يعرفونها وتقدرون تسألون عنها وكل اهل الديره بيقولون لكم انها مسيكينه ومخرفه
لكن إكراما للامير حنا مستعدين نعطيها بيت تسكن فيه ونتكفل بأكلها وشربها وكسوتها ومصرفها الين تموت
وهذا مهوب لأنه له حق عندنا لا , هذا إكراما ً للامير ابن رشيد
قال خوي الامير عزالله ما قصرتو .
فخرج خوي الامير من عندهم وذهب لإبن رشيد والعجوز تلحقه
عندما وصل قصر الاماره قال للعجوز انتظري هنا عند الباب الين يناديك الامير ودخل هو على ابن رشيد
وقال للامير كلام السبيله كله
قال الامير وين المره
قال الخوي تنتظر برا
قال الامير خلها تدخل
وعندما دخلت العجوز , قال لها الامير, السبيله يقولون انتس مالتس حق عندهم , لكن الجماعه مستعدين يعطونتس بيت تسكنين فيه ويتكفلون بأكلتس وشربتس وكسوتس وكل مصاريفتس طول عمرتس , لكن مسألة الحق يقولون مالتس حق عندهم , وانتي شوفي وتثبتي لعلتس تكونين واهمه , ما ودنا نظلم الجماعه وانتي يمكن تكونين متوهمه , وانا اقول كلام الجماعه زين واغديتس تقبلين فيه .
وانتي وش رايتس ؟
سكتت العجوز ولم ترد
فأعاد ابن رشيد السؤال , هاه وش رايتس بهرجهم ؟
وما زالت العجوز ساكته ولم ترد
فأعاد ابن رشيد سؤاله عليها بنبره حاده , ردي علي وش تقولين بهرجهم ؟
فدمعت عينا العجوز وكأن الامل الذي قد تعلقت واستبشرت به قد تبدد وتلاشى واجابت على ابن رشيد ببيتين من الشعر
قالت
يعبيـد عـيو يقبـلون السبيله ,,,, عـيـو عليّ يـدون ولـلحق يـمـشون
الحق ضلما والمصقل دليله ,,,, ولا تنقضي حاجات من يتبع الهون
وعنما سمع ابن رشيد هذين البيتين انتفض وصرخ بأعلا صوته (ياشريده) يقصد (شريده الفريخ ) البيارقي حقه , فحضر شريده مهرولا
قال سم ياطويل العمر
قال ابن رشيد فلّ البيرق عليهم لابو السبيله لابو ستين تسلب ,
وقال قضو بيتهم عليهم وتلوهم ابي اشوفهم عندي هنا من كبيرهم لصغيرهم ..
فهجم جيش ابن رشيد بأكمله على قصر السبيله وهدموا القصر واحضرو جميع افراد عائلة السبيله امام ابن رشيد وهم مقيدين
فنظر ابن رشيد الى كبيرهم وسأله
تعرف المره هذي ؟
فأجاب كبيرهم ايه ياطويل العمر اعرفها
فسأله ابن رشيد
له حق عندكم ؟
فأجاب , ايه ياطويل العمر لها حق عندنا
فسأله ابن رشيد
تعطونها حقها والا اعطيها روسكم ؟
فأجاب نعطيها حقها ياطويل العمر.
قال ابن رشيد لرجاله اطلقوهم وقال للمره روحي معهم وخوذي منهم حقتس كامل
وان نقص من حقتس شي ارجعي لمي
فذهبت معهم العجوز واخذت حقها منهم .
رحم الله عبيد بن رشيد

ورحهم الله جميعا .

منقوووووووووووول